سُن میرے سندھڑی والے بابا ، تیری صفت کراں

تینوں پل پل یاد کریندے میرے شہر،گراں

نہ روٹی ، نہ کپڑا بابا، نہ کوئی ریہن نوں تھاں

ہجے تاں مینوں کُجھ نہیں لبھیا، دس میں کدھر جاں

نعرے مارن، رولا پاون،لیڈر نچن گاون

قوم نوں ساوے باغ وکھاون لے لے تیرا ناں

تیری قور دے چور مُجاور، ویس وٹا کے لُٹدے

بالاں دے سر ریہن نہ دیندے مائی باپ دی چھاں

آپ تاں کوٹھیاںبنگلے مانن، کُکڑ چرغے لیہڑن

فُٹ پاتھاں تے جھُگیاں دے وچ لنگھدی رات مساں

فاٹا دیاں گراواں دے وچ بو جہلاں دا راج

دینہہ راتیں جتھے چلدی گولی کردی اے شاں شاں

جتھے دین اسلام سزا اے، جتھے رب چنگیز

اوس نگر دا کون اے راکھا، دس کھاں سودے خاں؟