مولا  لکھوں  امام  لکھوں  مرتضی  لکھوں
ہر  حق   شناس     کا    میں    تجھے     پیشوا    لکھوں

خاک نجف کو چوم کے اور جھوم جھوم کے
شمس  و  قمر  نجوم  تیری خاک  پا  لکھوں

تو   حسن  کائنات  ہے   تو  عظمت  حیات
اے  فخر  کائنات  تجھے             اور  کیا  لکھوں

لکھنا  میرا  نصیب  اگر   ہے    تو   یا   علی
وہ  عشق  دے کہ  مدحت  آل  عبا لکھوں

بنیاد  حرف  کن  کی صداقت  کے  رازداں
عین  الیقین  کہتا  ہے  تجھ  کو  خدا  لکھوں

میں   حد   احتیاط   شریعت   کے   باوجود
مشکل  کشا  کا  بھی  تجھے  مشکل  کشا لکھوں